Летна школа за информатика 2015

Здружението на информатичарите на Македонија организира десетдневна Летна школа по информатика за учениците од средните училишта.

 Школата има за цел да ги продлабочи знаењата на учесниците во областа на програмирањето. Преку учество во неа учениците ќе можат да станат конкурентни натпреварувачи, аспиранти за првите неколку места во следниот циклус натпревари, места кои водат во тимовите за учество на Интернационалната и Балканската олимпијада по информатика.

Учесниците ќе имаат можност да контактираат и учат од организаторите на натпреварите по информатика и некои од досега најдобрите натпреварувачи. 

Предвидени се неколку различни активности:

• Предавања
  • Комбинаторика
  • Графови
  • Дрва
• Програмерски техники
  • основни алгоритамски техники
  • структури на податоци
  • примена на готови структури на податоци во С++ (STL)
  • некои познати алгоритми (сортирање, пребарување, динамичко програмирање)
• Натпреварувачки задачи
  • решавање задачи на МЕНДО
  • објаснување на решенијата

Дополнително, предвидени се секојдневни активности на плажа и социјални активности во вечерните часови.

Комплетната агенда за настанот ќе биде дадена тука.

Сите заинтересирани треба да пополнат пријава на следниот линк.

Доколу имате потреба од дополнителни информации, може да испратите прашање на Оваа е-адреса е заштитена од спамботови. Треба да ви е овозможено JavaScript за да ја видите. или на форумот на МЕНДО.

 Здружението на информатичарите во соработка со донаторите обезбедува значаен попуст на цената на школата. Со навремено пријавување секој учесник ќе треба да покрие дел од цената во висина од 11.900 денари.